موقف محرج !!

مسآء اللمة الحلوة ^_^

اليوم ونحن مجتمعين على العشاء ، أمي جلست تحكيلنا موقف طريف حصل معها وخالاتي لما كانت طالعة معهم المغرب ،،

الله يسلمكم كانوا رايحين يفصلوا يمنيات لبناتهم في محل رآقي جداً .. قرأو عنه في الجريدة ..

وراحوا عشان يشوفوا المحل والأشكال الي عندهم و أسعارهم ..

المهم ..  

بعد ما طلعوا من المحل ..وسالفة التفصيل شاغلة كل بالهم ..

خرجوا يدوروا على سيارة زوج خالتي .. 

وأول ما طلعوا من باب المحل حصلوا بوجههم سيارة تشبه تماماً سيارة زوج خالتي 

كل وحدة فتحت باب ،  

الي فتحت الباب الأمامية ، والي فتحت الباب الخلفية على اليمين ،  والي على اليسار 

وهن داخلات السيارة كانن – يتجادلن -  

الي تقول افصل والي تقول ما أفصل والي تقول المحل الفلاني أحلى ،  

لكن !

بعدها !

انصمدمن بشيء غير متوقع تماماً !!  

خخخخخخخخخ

إن السيارة الي داخلاتنها ما سيارة زوج أختهن .. 

وأصلاً السيارة تقودها حرمة ..  وجالسة تشووف عليهن بإستغرااب

وأول ما شافتهن انتزقت مسكيينة ما عارفة شو داخل عليها 

ههههههههههههههه !!  

بعد ما اكتشفن إن السيارة ما سيارتهم بالفعل بالفعل اصيبوا بالحرج !!

ههه وانحطوا في موقف ولا أحلى ..  

ههههههههههه 

طبعاً في البداية لما عرفن كل وحدة منهم تضحك على الثانية .. خخخخخخخخ

بعد كذا اعتذرن من الحرمة الي نزقنها وطيرن بعقلها 

وراحن متجهات إلى السيارة الصحيحة ..  

وقالت خالتي لزوجها ليش ما اشرتلنا لما شفتنا دخلنا سيارة ما سيارتنا ؟!

قالها : وأنا شو دراني .. شفت حريم متشابهااات !!  

وهنا تعالت أصوات الضحكات أكثر ..  

بس فعلاً .. بعض الأحيان ننحط في مواقف محرجة جداً

ونضحك بعدها على أنفسنا كيف تصرنا بهذي الطريقة ،  .. 

وعلى فكرة .. ترى تعرفوا عقول الحريم دائماً يشغلها الملابس والسوق ووو :p 

خخ مع إحترامي للجميع ..   

  وطآآب مساؤكم جميعاً أحبابي (f)